Кок арня жапыште –4 млн теҥге штраф

Башкирийыште комиссий газонлаште машинам парковатлымылан 3,9 млн теҥге штрафым тӱлаш ыштен. Тышеч 2,7 млн теҥге Уфа олаште. Тидын нерген правительстве погынымаште ойлымо. Газонлаште парковатлаш лийдыме шотышто законым республикыште Радий Хабировын шӱдымыж почеш 2019 ий 9 апрельыште приниматлыме.

ЖКХ министерствын уверже почеш, законым пудыртымылан штраф оксам парковко-влакым ышташ кучылташ тӱҥалыт. Республике мучко чумыр шотышто 145 тӱжем парковко вер кӱлеш.

24 майыште муниципалитет-влак БР-се транспорт шотышто кугыжаныш комитет дене пырля корно движенийым организоватлыме шотышто проект-влакым ыштышаш улыт.

«Парковко вер-влак шотышто погынымаш-влакым эртараш йодам. Мыланна тидын шотышто ситуацийым умылаш да могай пашам намияш кӱлмӧ нерген ойгырташ кӱлеш. Оралтыште, уремлаште, оксам тӱлыман парковко-влакым ыштыман. А вара пунчал-влакым лукташ тӱҥалына», – каласыш Радий Хабиров.