Европарламентысе депутат-влакын ямдылыме законопроект почеш Европа 2021 ий гыч ик гана кучылташ йӧрышӧ пластик арвер-влак (кӱмыж, стакан, пане да молат) деч йӧршеш кораҥшаш. Тӱҥ амалже: пластик вашке ок шӱ, садлан пӱртӱслан эҥгекым ышта. Теҥыз ден океандаште логалше шӱк коклаште 80 процентше – пластик тор. Евросоюзыш пурышо эл-влак 90 процент кучылтмо пластик ате-влакым 2029 ий марте поген налме нерген пунчалым луктыныт.