«Достояние Республики» дипломым кучыктеныт

Муниципаль район Совет вуйлатыше А.Г. Габдрахмановым «Достояние Республики» общественный премий дене палемденыт.

Тыгай кўкшӧ общественный признанийым налашлан Азат Галямутдинович «Достояние Республики» республике конкурсышто участвоватлен да социально-кўлешан проектлаште спонсор семын участвоватлымыжлан налын.

– 2018 ийыште гына Азат Галямутдинович мыланна 600 тўжем теҥгылан гына тўрлӧ спонсор полышым ончыктен, – каласыш Ӱлыл Качмаш ялсовет вуйлатыше И.И. Ижбулатов. – Тудын полышыжлан кӧра ППМИ «Наше село» проект кўшеш ме Ӱлыл Качмаш ялыште Школьный уремым тўзатышна. Тыгак депутат Ӱлыл Качмаш школым олмыктымаште, Аткўл ялыште обелискым чоҥымаште кугу полшым ончыктен. Чыла тидым «Реальные дела» проект почеш ыштыме, – мутшым умбакыже шуйыш Игорь Ираевич.

– Тиддеч посна Азат Галямутдинович шуко оксам Ӱлыл Качмаш ден Ӱлыл Тиктем клуб-влакым олмыктымашке пыштен. Эреак спорт толкынлан полшен шога, самырык спортсмен-влаклан спортинвентарь-влакым налеш.

Игорь Ижбулатовын шонымыж почеш, депутатын поро пашам ыштымыжым умбакыжат шуяш лиеш.

Кызыт Азат Галямутдинович Ӱлыл Качмаш школын куштышо коллектившылан костюм комплектым налаш шона.

– «Ший кандыра» пайремлан ямдылалташ кўлеш, – ойла тудо. – Куштышо коллективысе рвезе-влаклан сай ката, а ўдыр-шамычлан туфля-влак кўлыт. Куштымышт годым сескем гына лектын шогыжо…

Мемнан корр.