74 ий эртымеке Ивашкин Камайым «За отвагу» медаль дене палемденыт

Кажне награде кеч-кунам гынат шке геройжым муышаш. Но южгунам нунылан шкеныштлан наградым кучыкташ ок лий – жап эртен. Красноармеец, пулеметчик Камай Ивашкинович Ивашкин 12 тӱжем мемнан землякна-влак кокла гыч иктыже лийын, кӧ лӱдде Кугу Отечественный сарын фронтлаштыже кредалын.

1945 ий 17 апрельыште Кляйн-Крауш немыч ял воктене Камай Ивашкиновичын ротыжым фашист-влак атаковатленыт. Камай Ивашкинович пулемет гыч тушман-влак ӱмбаке талын лӱйкален, 8 немыч салтакым пуштын. Тиде кредалмаште лӱддымылыкым ончыктымыжлан Камай Ивашкиновичым «За отвагу» медаль дене палемденыт. Но медальым тудо налын кертын огыл.

Камай Ивашкиновичын Илья эргыже ачажын наградыжым кычал муаш лийын. Кычалмашыже арам лийын огыл: «Память народа» сайтыште тудо ачажын наградыже нерген уверым муын. Военкоматын пашаеҥже-влакын, район администрацийын полшымыжо дене 74 ий эртымеке награде шке геройжым муын. Чаманаш веле кодеш, Камай Ивашкинович тиде кече марте илен шуктен огыл. Геройын наградыжым район администраций вуйлатыше Ю.М. Садыров тудын эргыже Илья Камаевич Ивашкинлан кучыктен. Наградым Сеҥымаш кечылан лӱмдалтше митингыште кучыктымо.

– Таче налме награде, – каласен Илья Камаевич Ивашкин, – мыланна еш реликвий, тудын ныл икшывыже, 16 уныкаже да уны кажын 27 икшывыже-влалкан шарнымаш лиеш.

С. Аркадьева.