Калтасаште сеҥымаш кече лӱмеш куштылго атлетике дене эстафете

8 майыште Калтаса ДЮСШ-ын ече-роллер трассыштыже Кугу Сеҥымаш кечылан лӱмдалтше да поро йӱла почеш куштылго атлетике дене эстафете эртен.

Тушто ялсоветла гыч кум команде, кугырак класслаште тунемше-влакын шым командышт да районысо школлаште тунемше шымше, кандашымше класс-влакын индеш командышт таҥасен. Таҥасымаш деч ончыч эстафетын участникше-влакым район администраций вуйлатыше Ю.М. Садыров да районысо ветеранмыт ушемым вуйлатыше Е.И. Ильчигулов саламленыт.

Ялсовет-влак кокла гыч Калтаса ялсоветын командыже сеҥен, качакмыт кокымшо лийын, кумшо – калмиямучашмыт.

Кугырак класслаште тунемше-влак коклаште 3 №-ан Краснохолмский кыдалаш школын командыже эн сай лийын, 1 №-ан Калтаса КШ кокымшо верыш лектын, кумшо – 2 №-ан Калтаса КШ-ын командыже.

Изирак тӱшка кокла гыч 1 №-ан Калтаса кыдалаш школын командыже сеҥен. 3 №-ан Краснохолмский КШ-ын командыже кокымшо лийын, Киябак тичмаш огыл кыдалаш школын командыже – кумшо.

Сеҥыше команде-влаклан лӱмын кубокым кучыктеныт, а призер-влакым Диплом дене палемденыт. Тыгак чыла командыжлан тамле призым – тортым пуэныт.

Ю. Шамсутдинов.