Чыланат огыт пале, очыни, Калтаса селаште театр пашам ышташ тӱҥалын

Чыланат огыт пале, очыни, Калтаса селаште театр пашам ышташ тӱҥалын. Таче ме ӱшанен каласен кертына, театр чынжымак пашам ышта. Шукерте огыл Калтаса селасе самодеятельный театр Ф. Буляковын «Выходили бабки замуж» спектакльжым «Победа» кинотеатрыште ончыктен.

Кӧ тиде спектакльым ончаш толын, нимынярат ӧкынен огытыл. Шагатат пеле жапыште залыште моткоч весела лийын, ончаш толшо калыкын шинчаже куан дене волгалтын, кумылжат сай лийын.

А теве актер-влакын лӱмышт, нуно режиссер Эльвира Галимова дене пырля ончаш толшо калыкым куандареныт: Вера Абдулова, Нафиса Хабибуллина, Эрик Мурсакаев, Динара Хазиева, Кира Бикмурзина. Лач нуно шоҥго-влак пӧртыш логалше коча ден кова-влакын неле пӱрымашышт нерген каласкаленыт. Нунын илышышт куштылго да тушто нимо сайжат лийын огыл: пелашышт то аракам йӱыныт, то нуным кыреныт. Жап эртен гынат, шӱм-чон садак коршта. Ик семын эртыше илыш тышке шоҥго Абдулла кугызан толмекыже йӧршеш вашталтеш. Кугыза кажныжлан поро мутым муын мошта, кажныжлан полышым ончыкташ ямде улеш. Ӱдырамаш-влак Абдуллаште шке ӱшаныштым ужыныт да нуно у, куан дене темше илышым тӱҥалаш ямде улыт.

Актер-влакын составыштат начар огыл. Галинан рольжым Динара Хазиева модын. Тиде рольым тудо моткоч мастарын модын ончыктен. Ольган (Вера Абдулова) рольжо лирический лийын. «Шочмо пале чын, тудым шонаш ок лий! Тудо уло але уке» тиде шомак ончаш толшо калыкым шонаш тарата. Чынжым гын, тудо шочмо пале нерген огыл, а Шочмо вер нерген ойла. Кажне актер шке рольжым мастарын модын. Спектакль мыскара сынан, но тыгодымак шӱлыкан лийын, но эн тӱҥжӧ – поро. Постановкыжат миен лектын.

Калтаса – изи села. Туге гынат культура илыш тыште шолеш. Кӱчык жапыште самодеятельный театр, тудым Э. Галимова вуйлата, спектакльым шынден. Тудлан тиде поро пашаште Культура пӧрт пашаеҥ-влак полшеныт: музыкылан Константин Карпенко вуйын шоген, залым Светлана Осипова сӧрастарен, куштымашым Алла Семенова шынден. Тиде кугу паша. Кузе спектакль деч вара район администраций вуйлатыше Ю.М. Садырова каласен: «Ӱшаныме шуэш, самодеятельный театр ончыкыжымат илаш да калыкым спектакль-влак дене куандараш тӱҥалеш».

О. Айгильдина.