Калтаса ужара
+20 °С
Пылан
Все новости
Новости
24 Ага 2019, 14:13

Шудым йӱлатет гын штрафым тӱлет

Шошо-кеҥеж жап толмо дене пӱртӱсыштӧ чӱчкыдын пожар-влак лиедат. Тӱҥ шотышто кукшо шудо йӱлаш тӱҥалеш. Лач ты кукшо шудо йӱлымӧ дене кугу пожар-влак лиедат да эҥгекым кондат.
Россий МЧС-ын БР-ын Нефтекамскысе межрайонный пӧлка районышто илыше калыкым пожар безопасностьын йодмашыжым текшыраш йодеш. Эн ончыч тиде тулым ылыжташ ок кӱл, вет кукшо шудо дене тул тыманмеш шарла, секундышто метр кумдык йӱлаш тӱҥалеш. Тыгак тул чодырам, пакчаште пӧртлам, илыме верым авалтен кертеш, транспорт коммуникаций да магистраль трубопровод-влакын пашаштлан лӱдыкшым конда.
Кузе практике ончыкта, еҥ-влак лӱдыкшыдымылык нерген огытат шоналте, шкеныштын, пошкудыштын погыштым локтыл кертме нерген мондат, чоҥымо верла воктене, кушто кукшо шудо ятыр, костерым ылыжтат.
2019 ий 17 апрель гыч 17 май марте Кугыжаныш пожар надзорын пашаеҥже-влак пожар безопасность правил-влакым пудыртымылан 18 постановленийым луктыныт. Шым еҥым штрафоватленыт, нылытшылан правам пудыртымылан, а нунышт кукшо шудым, тӱредме пасум, шӱкшакым йӱлатымылан, тыгак костерым ылыжтымылан, 10000 теҥге штрафым пыштеныт. А кум еҥлан пӧрт йырысе территорийым эрыктыдымылан (шӱк ден несанкционированный але отход) 4000 теҥге штрафым пыштыме. Тыгак территорийым эрыктыдымылан ик вуйлатышылан 6000 теҥге штрафым пыштыме лийын.
Верысе кучемын органже шотышто 15000 теҥге штрафым пыштыме шотышто ик постановленийым лукмо. 6 предупрежденийым лукмо, тышеч 3-шо – верысе самоуправленийлан, 6-шо – районышто илыше еҥ-влаклан.
С. Атналина.