Боевой оружий гыч лӱйкалыме шотышто таҥасымашым эртареныт

Россий МВД-н Калтаса районысо пӧлкажын личный составшын физический да боевой подготовкыжым тергаш да республикысе МВД-н 100 ий теме вашеш боевой оружий гыч лӱйкалыме шотышто таҥасымаш эртен. Полицейский-влак Макаров пистолет гыч жаплан лӱйкалышаш да тыгодым очком погышаш лийыныт.

Кӱкшӧ результат-влакым ончыктеныт: 1 вер – пӧлкан вуйлатышыже-влак, 2 вер – дознаний группа, 3 вер – полицийын участковый уполномоченный-влакын пӧлкашт да ийготыш шудымо икшыве-влак дене пашам намийыше пӧлка.

Личный зачетышто пӧръеҥ-влак коклаште икымше верым полицийын участковый уполномоченныйже Валерий Минликаев налын, кокымшо – ГИБДД-н кугыжаныш инспекторжо Ринат Хакимов, кумшо – оперативный дежурныйын полышкалышыже Анатолий Иргибаев.

ӱдырамаш-влак кокла гыч эн сай результатым старший дознаватель Зиля Шайхинурова ончыктен. Кокымшо – административный законодательствым шуктен толмо шотышто инспектор Лиана Гараева, кумшо – ийготыш шудымо икшыве-влак дене пашам намийыше пӧлкан старший инспекторжо Лилия Галиева.

Мемнан пӧлкан пашаеҥже-влак зона таҥасымаштат участвоватлат. 24 майыште Нефтекамск олаште боевой оружий гыч лӱйкалыме шотышто таҥасымаш эртен. 12 команде кокла гыч полицийын майоржо Зиля Шайхинурова кокымшо верым сеҥен налын.

Сеҥыше-влакым уло кумылын саламлена да ончыкыжымат сеҥымашым гына тыланен кодына.

Э. Салимова.