Ӱлыл Качмаш ялыште Советский уремыште илыше калык «Мемнан селана» программе почеш урем корным тӧрлаташ кутырен келшен

Тиде кечылаште Советский уремыште илыше калык сходыш погынен. Погынымашын тӱҥ йодышыжо – «Мемнан селана» программыште участвоватлымаш.

Ик йӱк дене Советский уремыште корным олмыкташ кутырен келшеныт. Вет ялыште сай корно деч посна нигузе ок лий, поснак шыжым да шошым тидым шижаш лиеш. Тиде урем корно дене ме пашашке, кевытыш, йочасадыш, школыш коштына, йолташ, пошкудына, палымына дене вашлийын мутланена.

Тиде уремын кужытшо 550 метр.

Погынымаште ялсовет вуйлатыше Игорь Ижбулатов да тиде уремысе ялсоветын депутатше Наталья Шамтиева лийыныт. Ялсовет вуйлатыше тиде уремыште илыше калык дене мутланен, кумылын пырля пашам ышташ таратен.

МЕМНАН СПРАВКЫНА:

«Мемнан селана» программе районышто 2018 ийыште пашам ышташ тӱҥалын. Тудо калыкын шонымашыжым илышыш шыҥдараш, инициативный бюджетирований механизмым вияҥден колташ, ял калыкын илышышжым куштылемдашлан виктаралтын.

Тиде программе кӱшеш урем корно-влакым олмыктат.

Конкурс отбор ППМИ (программа поддержки местных инициатив) дене икгай. Район администрацийын пунчалже дене келшышын, проект-влак почеш конкурсым эртараш тӱҥалыт.

Ик ялсовет деч ик йодмаш лийын кертеш. Тиде проектлан 500 000 теҥге деч шагал огыл окса ойыралт кертеш.

Э. Мурсакаева.