Марий Элыште пеш веселан жап эртен.

Кеҥежын мотор кечыштыже, 13-шо июньышто ме Адик ден Ирина Ибакаевмыт дене Марий Элын рӱдӧ олашкыже Йошкар-Олаш тарванышна. Кастене ме мотор Йошкар-Олаш миен шуна.

А эрлашыжым, 14 июньышто, ме «Кугарня» газет редакцийын кокымшо ийлан эртаралтше «Какшан сер ӱмбалне» авторский муро фестивальыште шке вийнам тергышна. Тиде муро фестивальыште мыйын мутемлан возымо кок мурым йоҥгалтарышна да кумшо верым сеҥен нална. А эрлашыжым, 15 июньышто, пеледыш пайремыште, Чарла Кремыльыште муралташ ӱжыч.

Ныл шагат кастене гармончо-влакын фестивальышт эртаралте. Туштат ме Ирина дене Адик шоктымо почеш Пошкырт вел такмак влакым муралтышна. А Адик Ибакаев гармончо влакын фестивальыште кумшо верым сеҥен нале. Тыге ме мотор Йошкар-Олаш миен,16 шо июнь кастене 5 диплом (тауштымо кагаз) да пӧлек дене пӧртылна.

Алевтина Баязитова.