Йомын кертыт

Ир пӱртӱс шотышто тӱнямбал фондын пресс-службыжын увертарымыж почеш, Российыште куд тӱрлӧ янлык йӧршеш пытен кертме лӱдыкшӧ уло. Сайгак, преднеазиатский леопард, кулик-лопатень ден кречет кайык, сахалинский осетр ден калуга кол моткоч шагал кодыныт. Специалист-влакын тыршымыштлан кӧра южо вид (мутлан, амурский тигр) изиш шукемын. Кодшо курымысо 40-ше ийлаште 50 тыгай тигр лийын гын, кызыт 280 уло.