Район мучко наркотик дене пайдаланыше 17 еҥым да наркоманий дене черле 3 регистрироватлыме

Наркоманийын шочмо да вияҥме амалжылан эн ончыч айдемын койыш-шоктышыжым, психический да физический локтылалтмашым, тӱрлӧ социальный факторын влиянийжым шотлат. Шагал огыл случай, кунам айдеме неле черлан кӧра ятыр жап медицине цель дене наркотический веществам приниматла. Официальный медициныште шуко эмым (тӱҥ шотышто малыме, транквилизатор, наркотический анальгетик-влак) приниматлыме деч вара еҥ-влак наркотичесий зависимый еҥышке савырнен кертыт.

ВИЧ инфицированный ден гепатит дене черле еҥ-влак обществылан кугу лӱдыкшым ыштат. Российыште тиде чер-влак тӱҥ шотышто наркоман-влак ик шприц дене пайдаланымылан кӧра шарла.

Кажне ийын наркотикым приниматлыше еҥ-влак шукем толыт. Тышке ийготыш шудымо икшыве, ӱдырамаш-влак ушнат. Наркоман йоча-влакын кокла ийготышт – 13-14 ий.

Мемнан районышто официально наркотик дене пайдаланыше 17 еҥым да 3 черле еҥым регистрироватлыме.

Наркотик дене пайдаланыше еҥ шкенжым шке пагалымыжым чарна, шкенжын эн сай нравственный качествыжым, йолташ-влакым, ешым йомдара, пашам муын ок керт, осал пашам ышта да мучаште эркын да ӱшанлын шкенжым шке пытара.

Тиде черлан кӧра шуко осал паша ышталтеш, наркотикым шарыме, аралыме да ик вер гыч вес верыш кондыштарыме шотышто правам нарушатлыме факт шукемеш.

Тендан ешышке тыгай осал койыш пурен гын, эн ончыч профессиональный медик-влак деке полышым йодын мийыман. Наркоман шкетын тиде ойго деч утлен ок керт, тудлан полыш кидым шуялтыман да профессионал-влак деке полышым йодын мийыман.

Г. Валтиева, Калтаса ЦРБ