1 июль гыч мо вашталтеш?

Пенсий

2019 ий июль гыч эртыше ийын пенсий реформыш логалше граждан-влак эн ондак шо‰гылык шотышто пенсийыш лекташ тўҥалыт, – 1964 ий январь гыч шочшо ўдырамаш-влак, 1959 ий январьыште шочшо пӧръеҥ-влак.

Чоҥымаш

1 июль гыч дольщик-влакын праваштым аралаш ўжшӧ проектный илыме верым финансироватлыме нерген пунчал вийыш пура. Ты жап гыч девелопер чоҥымо пашалан дольщик-влак деч огыл, а шкеныштын але заемный оксам кучылташ тўҥалыт. Нуно оксаштым эскроу-счетыш кусараш тўҥалыт, ты оксам застройщик-влак объектым пайдаланымашке пуымо деч вара гына кучылтын веле кертыт.

Ипотека

31 июль гыч ипотечный каникул нерген закон пашам ышташ тўҥалеш. Тудын дене келшышын, неле ситуацийыш але кредитым тўлен кертдыме заемщик банк деч тўлам пел ий марте чараш але шагалемдаш йодын кертеш. Ты сомыл просрочкылан ок шотлалт да кредит историйыште нимогай нелылыкым ок ыште, а процент шотышто чумыр суммо кугемеш.

Транспорт

1 июль гыч автобусым, троллейбусым, лўмын пассажир транспортный средствам (М2 да М3 категориян ТС), тыгак N категориян автомобиль-влакым ГЛОНАСС спутник навигаций аппаратура але ГЛОНАСС/GPS дене куралаҥдыме нерген йодмаш вийыш пура.

Авиаувер

8 июль гыч Российысе авиакомпаний-влак Грузийыш чоҥештылмыштым чарнат. Тидын дене грузийысе авиакомпаний-влакат Российыш чоҥештылмыштым чарныме пунчал вийыш пура.

«Башинформ» ИА.