Чепионатыш йодмаш

Чепионатыш йодмаш

Районын чемпионатше финишыш лектын. Пытартыш матч-влак ты кечылаште эртат.

Шочмын, 15 июльышто, Краснохолмский села да Савакмарий ял команде-влак модаш тўҥалыт.

Чемпионым эше ойырен налме огыл. Туге гынат калтасамыт командын сеҥаш чыла шансыжат уло. Вўргечын нуно келтеймытым 3:1 счет дене сеҥеныт да 19 очком погеныт. Кок командыланат модмаш неле лийын. Туге гынат икымше голым нуно икымше таймын пелыштыже гына пуртен кертыныт. Нападающий Виктор Акушев ойыртемалтын. Тудо командыште эн сай бомбардир улеш, тений соперник-влакын вороташкышт 8 топым пуртымо лийын. Икымше тайм 1:0 счет дене пытен. Кокымшо тайм тўҥалтыште келтеймыт команде голым пуртен. Максим Сайфуллин ойыртемалтын. Тыгай счет дене калтасамыт келшен огытыл. Топ почеш топ вороташ чымалтын, но сеткыш логалын огыл. Келтеймыт аралалтыныт, туге гынат калтасамыт голым пуртен. Ик атакыште келтеймыт правилым пудыртеныт. Штрафной топым Данил Байдуганов пуртен. Ты гол калтасамытым умбакыже модаш кумылаҥден. Пытартыш топым Денис Ибрагимов пуртен.

Шуматкечын, 13 июльышто, калтасамыт Шоръял команде дене модеш. Ты мачтыште сеҥат гын, нуно 22 очко дене чемпион лийыт. Амчумаш ял команде кодшо кок матчыште 6 очком чумырат гынат, калтасамытым сеҥен огыт керт.

Нунын кызытеш 14 очко гына. Икымше кругышто нуно сай модыныт гын, кокымшышто Шоръял ден Калтаса команде-влак сеҥеныт.

Турнир таблицыште кумшо строкаште Самакмарий ял команде улеш, нуно 13 очком погеныт.

Ю. Шамсутдинов.