Курчак театр – искусствын ик эн сылне видше.

Курчак театр – искусствын ик эн сылне видше. Кеч цифр технологий-влак илышышке шыҥдаралт пурат гынат, тудо мемнам садак куандараш тӱҥалеш.

Калтаса селасе модельный библиотеке пелен «Теремок» курчак театр самырык лудшо-влакым ик коллективыш чумырен. Спектакль-влакым уста икшыве-влакым пален налаш гына огыл манын эртаралтеш, тыгак нуно тӱрлӧ мероприятийлашке ушнат: «Йоча книга арня», «Библиойӱд» да шуко молат.

Кеҥеж каникул жапыште селасе йочасад ден соцприютын воспитанникше-влаклан представлений-влакым ямдыленыт да ончыктеныт. Чыла йоча талантан улеш – иктыже сӱретла, весыже мура, кушта. Кажне изи артист неле ситауцийыште полшаш ямде улеш, репетиций жапыште икте-весыштым вашталтен шогат.

Мемнан курчак театрыштына изижат, кугыжат выступатла. Тыгай паша икшыве-шамычым литература, музыка, театр искусствылан кумылаҥден шога.

Тыгай спектакль-влакым йоча-влак йӧратат. Библиотекыште тыгай паша книга ден йочам ушен шогышо кӱвар семын улеш.

И. Васиева.