Угыч кандырам пунен куштат

Тиде куштымаш пайрем мемнан районышто чўчкыдын эртаралтеш да тудо шке шотан культурный брендыш савырнен.

«Ший кандыра – 2017» конкурс программыште 24 коллектив участвоватлен. Нуно кажныже шке кандыражым пунен куштен. А фестивальын Гран-прижым Шоръял гыч «Яндар» фольклор коллектив налын.

Тений, фестивальын положенийже дене келшышын, конкурсышто тыгай номинаций-влак лийыт: «Кандырам пунен куштымаш» аутентический (илыш-йўла) куштымаш да «Кандырам пунен куштымаш» сценический куштымаш. Самырык артист-влаклан, йоча коллективлан посна номинаций лиеш. Тылеч посна «Фестивальын почетан меценатше», «Фестивальын почетан спонсоржо», «Фестивальын меценатше», «Фестивальын спонсоржо», «Кидмастар», «Пайрем оралте» номинаций-влак лийыт.

Кызыт тиде куштымаш пайремлан ямдылалтыт. Артист-влак шке номерыштым ямдылат, репетироватлат, вургем-

влакым уэмдат. Оргкомитет чыла уналан да фестивальын участникше-влаклан Калтаса мландыште эртыше пайремыште сай да комфортно лийже манын тырша.

Тыгеракын, 10 августышто Калтаса селасе рўдӧ площадьыште «Ший кандыра» куштымаш фестиваль эрта.

С. Аркадьева.