«Ӱжара» пӧлек-влакым кучыкта

Кугарнян, 19 июльышто, ме «Калтасинская заря» да «Калтаса ӱжара» газет-влаклан сералтше-влак коклаште кок тӱҥ призым модын нална. Тыште мемнан изданийлан кокымшо пелийлан сералтше-влак да квитанцийыштым редакцийыш кондышо-влак участвоватленыт.

Призым модын налмашке районышто илыше икмыняр еҥ толын ыле. Нуно шке жапыштым чаманыде редакцийыш вашкеныт. Тау нунылан.

Тӱҥалтыште «Калтаса ӱжара» газетлан сералтше-влак коклаште призым модмо лийын. Краснохолмский села гыч Валикаев Евгенийын «куштылго кидше» дене лототрон гыч сералтме абонементым лукмо. Кӧ вара мультиваркым модын налын? Тиде Калтаса селаште Кооперативный уремыште 24/9 илыше Е. Опалаева сеҥен.

А чыла подписчик-влак коклаште «Штиль» бензопилам модын налме. Ты гана лототрон гыч Калтаса села гыч Вахитов Евгений сералтме квитанцийым луктын. Бензопила Кугу Келтей ялыш В.Т. Шамсутдинов деке «кая». Тудо Первомайский уремыште, 5 №-ан пӧртыштӧ ила.

Сеҥыше-влакым газет редакцийыште вучена, пелен паспорт, ИНН, СНИЛС лийшаш улыт.