Муниципаль сайлымаш: 86 мандатлан 181 кандидат

Территориаль сайлымаш комиссий верысе самоуправлений органыш депутатыш кандидат-влакым регистрироватлыме шотышто паша мучашлалтын. Сайлымаш деч ончыч марафоныш, ТИК-ын 23 июльлан данныже почеш, 181 еҥ пурен.

Ик мандатан 6 №-ан округышто Калтаса район муниципаль район Советыш депутат-влакым ешартыш сайлымашке сайлыше-влакын йӱкыштлан кум кандидат кучедалаш тӱҥалеш: «Икоян Россий» политпартий, КПРФ да «Справедливая Россия».

«Икоян Россий» политпартий деч 83 кандидат, КПРФ деч – 8, «Патриоты России» партий деч – 15, ЛДПР да «Гражданская платформа» кок кандидат дене ойырен, «Зеленые» да «Родная партия» партийла деч икте дене. 66 кандидат сайлымашке шкенжым шке луктын.