Районысо озанлык-влак уржа-сорла жаплан ямде улыт

Ялозанлык пашаеҥ-влаклан тургым жап толеш – пырчан культура-влакым погымаш. Сандене ялозанлык производитель-влакын тӱҥ пашашт – уржа-сорла жапым сайын эртарен колтымаш. Тидлан шурным погымо технике-влакым жапыште да качественно ямдылыман.

Ты сомылым «Восход» СХК, «Итс-Агро» ООО, Ф.А. Шуматбаев ГКФХ ИП, В.Ф. Зайникаев ГКФХ ИП, В.П. Бикмурзин ГКФХ ИП, Г.А. Биктимиров ГКФХ ИП удан огыл шуктеныт. Нине озанлыкыште шурным погымо пашаште участвоватлыше чыла комбайным олмыктымо да нунын кокла гыч ужашыже техончымашым эртен.

Тыгак механизатор-влаклан техникым ситарыме, запас ужаш-влакым, ГСМ-ым, спецвургемым налме, технике безопасность шотышто кӱлеш инструктажым эртарыме паша умбакыже мия. Пасулаште техникым олмыктымо, келышыше бытовой условийым ыштыме, шокшо кочкыш шотышто решатлыдыме йодыш-влак улыт.

Ялозанлык предприятий да кресаньык-фермер озанлык-влак блансыште шурным погымо тӱрлӧ маркан 21 технике уло. Палемдыме техончымашым 57 процентше эртен. Чыла олмыктымо паша келшыше график почеш эрта, жапыштыже да нимогай йомдарымаш деч посна ончен куштымо шурным погаш чыла йӧн уло.

Калтаса ИКЦ.