«Новый путь» озанлыкыште кургым умбакыже ямдылат

Тений игече районысо озанлык-влакын кургым ямдылышышт-влаклан пашам ышташ йєным ок пу. Юмылан тау, шудо моткоч сай кушкын, а теве тудым поген налаш да аралымашке пышташ ок лий. Сандене вольыклан телылан кургым ситышын ямдылен кодаш манын, сай кечым гына огыл, эсогыл кажне шагатшым кучылташ перна. Тидлан кєра кургым ямдылыме кампаний тылзе утла шуйна.

«Новый путь» СХПК-ште, тыгак районын моло озанлыклаштыжат кургым ямдылыме паша мия. Сенажым ямдылыме, шукияш шудын ужар массыжым 2,5 тўжем утла тонным вынемлашке оптымо. Тидыже вольыклан ситышаш. Ындыжым шудым ситышын ямдылен кодыман.

– Паша тыштат да туштат миен, – ойла озанлыкын агрономжо Альберт Сабиров. – А вет шудо сенаж огыл, тудым ямдылыме технологийжат тўрлє. Шудым ямдылымаш игече деч шога. Сандене вараш кодын тыршена. Но пырчым погаш тў‰алме деч ончыч шудым ямдылаш етшена манын ўшанена. Паша шуко кодын огыл.

«Новый путь» СХПК-лан сенажым ямдылаш Зайникаев Василийын КФО-жо кугу полышым ончыктен. Тудо озанлыклан КСК-100 самоходный силосоуборочный комбайн дене механизаторжым пашам ышташ колтен. Тыште КСД-1,8 прицепан агрегат дене гына тыгай кугу пашам шукташ ок лий ыле дыр. КСК-100 дене Владимир Иргибаев удан огыл пашам ыштен. Шудын ужар массыжым шупшыктымаште Сергей Шифаратдинов, тудо Камаз дене пашам ышта да Т-150 трактор дене Андрей Султанаев ойыртемалтыныт. Сенажым тыгаяк Т-150 трактор дене трамбоватлен. Нуно уста механизатор улыт, шке пашаштым сай палат. Кургым ямдылыме пашаште ятыр ий тыршат.

Калтаса ИКЦ-ын агроном-консультантше Борит Мухтаров дене ме озанлыкыште шукерте огыл ик ояр кечын лийна. Пасуш пурышна, тыште люцерным солат ыле. Тудым кок-кум ий ончыч гына ўденыт, сандене тыште шудат сай кушкын.

– Тудым жапыштыже погаш етшена гын, сай шудо лекшаш, – палемдышт Борит Мухтаров ден механизатор Родион Губаев. Пытартышыже МТЗ-82 трактор дене солен.

Губаев уста механизатор, тудын паша стажше 20 ий утла. Эше «За коммунизм» озанлыкыште тракторист, комбайнер лийын пашам ышташ тў‰алын. «Новый путь» озанлыкыште лу ий тырша. Чыла сезон пашаште участвоватла, шошым ўда, ке‰ежым кургым ямдыла, шыжым пырчан культура-влакым пога. Кеч-могай пашаштат сай результатым ончыкта.Теве кызытат шудым солымаште удан огыл тырша.

Материалым савыкташ колтымо деч ончыч мый озанлыкыш йы‰гыртышым да солымо люцерным погеныт але уке манын йодым. Погеныт. Коштымо валок-влакым пресс-подборщик дене МТЗ-82 тракторын механизаторжо Андрей Насипуллин рулоныш чумырен. Ты технике тылеч ончыч сенажым вынемлашке оптымаште тыршен, ындыжым рулон дене шудым пасула гыч Кўшыл Тиктем ферме оралтыш шупшыкта. Тугеже телылан шудо сита.