Калтаса ужара
+18 °С
Пылан
Все новости
Новости
9 Сорла 2019, 18:10

Регистратор-влакын пашам ышташ тӱҥалыныт

Регистратор-влакын пашам ышташ тӱҥалынытТений 1 гыч 30 август марте районысо чыла яллаште, эн изи ял-влак гына тышке огыт пуро, 13 регистратор пашам ышташ тӱҥалеш, кажныжын удостоверенийже уло.

Тений 1 гыч 30 август марте районысо чыла яллаште, эн изи ял-влак гына тышке огыт пуро, 13 регистратор пашам ышташ тӱҥалеш, кажныжын удостоверенийже уло.
Регистратор-влакын пашашт тӱҥалме деч ончыч Калтаса районышто перепись йодыш шотышто уполномоченный-влак пӧрт-влакын ончылгоч базыштым ыштеныт. Нуно ты спискыштке пуртымо кажне пӧрт улмым текшырен лекшаш улыт. А пӧрт-влак спискым да схематический планым регистратор-влаклан участкыште пашам ышташ тӱҥалме деч ончыч кучыктат. Иктаж-могай келшыдымаш лектеш гын, (мутлан, пӧртым спискышке пуртымо, но тудо локтылалтын, але пӧрт верыште шога, а спискыште уке да т.м.) тудым регистратор кораҥдышаш улеш. Тылеч посна, яллаште коштмо годым регистратор-влак озанлыкын могай состоянийыште улмыжым ончат: уремлаште лӱм дене чыла табличкым; чыла подъездлаште да пӧртлаште номер-влакым. Ситыдымаш нерген информацийым ялсоветыш да кажне администрацийыш пуымо лиеш. Тыгак регистратор-влак пӧртын статусшым (илат, огыт иле, медицине але социаль назначениян учреждений) пеҥгыдемдат, кажне пӧртышто мыняр пӧлем, чоҥымо объект, кодовый замок але домофон улмым ончат. Районышто илыше калык ты пашалан огеш ӧпкеле манын ӱшанена. Сандене регистратор-влак пашам ыштыме жапыште пий-влакым кучаш але йолышташ, пӧртыштӧ мыняр еҥ илыме нерген сведений-влакым каласаш йодына.
Л. Раяншина