Калтаса ужара
+29 °С
Пылан
Все новости
Новости
9 Сорла 2019, 16:52

Врач-онколог, «2018 ийысе эн сай врач» конкурсын лауреатше Гульнур Нигманова районышто илыше калык дене вашлийын мутланен

Врач-онколог, «2018 ийысе эн сай врач» конкурсын лауреатше Гульнур Нигманова районышто илыше калык дене вашлийын мутланенКраснохолмский селаште «Нефтяник» Культура пӧртын залыштыже тиде кечын калык шуко лийын. Нуно районнан тӱрлӧ луклаж гыч толыныт.

Краснохолмский селаште «Нефтяник» Культура пӧртын залыштыже тиде кечын калык шуко лийын. Нуно районнан тӱрлӧ луклаж гыч толыныт.
Уста, ятыр ий тиде сферыште тыршыше врач тазалыкым кузе аралаш кӱлмӧ нерген раш ойлен. Гульнур Нигманова айдемын тазалыкше насыл (10%), тыгаяк процент медицине вияҥме, 15 процент экологий да 65 процент могай таза илыш-койышым намийыме деч шога манын каласен.
Тамакам шупшмаш, аракам йӱмаш, таза кочкышым кочдымаш да стресс тазалыкым локтылыт. Врач-онколог тазалыкым чӱчкыдын текшыраш кӱлмӧ нерген ойлен.
Онкологический чер вияҥмыжым пален налаш манын, специалист-влак дене текшырымашым эртыман. Чыланат палат, онкологий черын тӱҥалтыште нимогай симптомжо уке.
Врач-онколог Гульнур Хамзиевна эплын мутланымашке куснен. Калыкын йодышыжлан вашештен.
Ты чапле врач дене вашлиймаш оҥай да пайдале лийын. Калык Гульнур Хамзиевналан таум каласен.
Тыгай вашлиймаш-влак «Тазалык школ» проект почеш эртат.
З. Максимова.