Идалыкыште больничный-влакым тӱлашлан 7 млрд теҥгем кучылтыт

Башкирийыште таза илыш-койышым илышыш шыҥдарашлан да тидын шотышто пропаганде пашам намияшлан чыла ведомствылаште единый программым ышташ темленыт. Вет тольык больничный листлам тӱлашлан гына республикысе социальный страхований Фонд гыч регион идалык еда 7 миллиард теҥге оксам кучылтеш. Тидын нерген «Здравоохранений шагат» погынымаште БР правительствысе премьер-министрын алмаштышыже Ленара Иванова каласен.

Ончылгоч ыштыме данный-влакым ончен, тамакам шупшмаш, аракам йӱмаш ваштареш кучедалме акций-влакым ыштыме шотышто лӱмын координационный советым ыштыме лиеш. Тудым Башкирийын премьер-министрже вуйлатен кертеш.