Чыланат – ача-ава, пашаеҥ-влакат – тыршеныт

Мемнан йочасад территорийым сӧрастарымашым ме тений Башкортостан Республикын 100 ияш юбилейжылан лӱмденна. Положенийым шонен лукна да «Эн сай участке» кокнурсым организоватлышна. Тиде смотр-кокнурсын цельже тыгайрак ыле: йочасад территорийым 2019-2020 тунемме ийлан ямдылаш, сӧрастарыме дизайн шотшыто у формо-влакым кычалаш, тидын шотышто воспитатель-влакын эн сай опытыштым пропагандироватлымаш.

Конкурсышто ача-ава, воспитатель да йочасадын моло пашаеҥже-влак участвоватленыт. Тыге, ясле группын воспитательже-влак А.З. Ахунова ден И.Р. Белянцева БР-се кумдан палыме еҥ-влак гыч «Чап аллейым» ыштеныт, икымше изирак группын воспитательже Н.А. Ахмедшина нефтекачалкым ямдылен. 2-шо изирак группын ача-авашт, нуным воспитатель Л.А. Газиева вуйлатен, мӱкшотарым да калык костюмым чийыше мӱк ончышым ыштеныт, кокла группын ача-авашт-влак воспитатель-влак Г.Р. Вакилова ден И.М. Николаева республике ден курай силуэтым ыштеныт. Подготовительный группын ача-авашт воспитатель-влак Э.К. Бишарова ден И.Р. Белянцева дене пырля кумыслан лӱмдалтше композицийым ыштеныт, ФИЗО ден инструктор С.А. Шипаева ден воспитатель Т.А. Байгашева «Шым ӱдыр» фонтаным ыштеныт.

Ача-ава ден туныктышо-влалкан кугу таум каласена. Поснак кугу тау йочасад вуйлатыше Г.С. Саетгареевалан.

Т. Байгашева