Калтаса ужара
+17 °С
Пылан
Все новости
Новости
30 Сорла 2019, 21:10

Илона Макаренко: «Сайлымаш чын да закон почеш эртыже манын, ме чыла ышташ тӱҥалына»

Тиде арнян Калтаса районышко Башкортостан Республикысе Рӱдӧ сайлымаш комиссийын вуйлатышыже Илона Макаренко толын ыле.

Тиде арнян Калтаса районышко Башкортостан Республикысе Рӱдӧ сайлымаш комиссийын вуйлатышыже Илона Макаренко толын ыле. Паша поездкыште тудым комиссийын секретарьже Марина Долматова ужатен.
Республикысе рӱдӧ сайлымаш комиссийын вуйлатышыже районысо территориаль сайлымаш комиссийын пашаж дене палыме лийын, тыгак тыште тыршыше пашаеҥ-влак дене мутланен.
Калтаса район администраций вуйлатыше Ю.М. Садыров дене вашлиймаште сайлымашлан ямдылытме шотышто йодышым лончыленыт.
Кугу тӱткышым сайлымаш комиссий-влакын пашаштлан ойыралтеш, тыгак сайлымаш процесс чыла шотыштат закон дене келшен толшаш.
И.А. Макаренко, Башкортостан Республикысе Рӱдӧ сайлымаш комиссийын вуйлатышыже: – Ме таче сайлымашлан ямдылытме шотышто пашанам мучашке лишемдена, тудлан ме 30 май гычак ямдылалташ тӱҥалынна. Районла мучко коштшыла, эн ончычак сайлымаш кечылан ямде улмашым тергена. Тидын шотышто кугу паша, чыла направлений дене намиялтеш: вашлиймаш, тунеммаш, участковый, территориальный сайлымаш комиссий-влак дене семинар-влакым эртарена.
Мемнан задачына икте: сайлымаш чыла шотыштат закон почеш эртыже. Калыкыште ончычак чыла сайлыме да шотлымо манме шонымашым кораҥдаш кӱлеш. Чынжым гын, ниомат эше ыштыме, шотлымо огыл, тидыжым ончылгоч нигузе ышташ ок лий. Тиде сайлымаш чын да чыла шотыштат закон почеш эрташ тӱҥалеш.