Сайлымаш нерген почеламут дене каласкаленыт

«Выборы – наше дело» почеламут, такмак конкурс мучашке лишемын. Редакцийыш пурышо чыла материалым ме Калтаса районысо Территориаль сайлыме комиссийыш (ТИК) пуышна, лач тудо тиде конкурсым увертарен ыле.

Кажне паша шке семынже ойыртемалтше. Эн ончыч конкурсыш шке пашажым Краснохолмский села гыч Назиб Арсланов колтен ыле, тудо кумылаҥдыме призым налеш. Эше кок пашам тыгаяк кумылаҥдыме приз дене палемдыме – Изи Качак ял гыч Людмила Александровна Имаевам ден Кӧтерем села гыч Анатолий Иванович Дончукым.

А ынде сеҥыше-влак нерген. Икымше верым Краснохолмский села гыч Анастасия Владимировна Уткина налын, кокымшо – Калтаса села гыч Кира Николаевна Бикмурзина, кумшо – Краснохолмский села гыч Тамара Владимировна Филимонова.

Приз-влакым Калтаса районысо Территориаль сайлыме комиссийыште (ТИК) налаш лиеш. Тудын адресше: Калтаса села, К. Маркс урем, 72, 8 сентябрь марте.

Почеламут ден такмак-влакым тыште лудын кертыда.