Районысо озанлыкыште уржам поген пытареныт

Районысо озанлыкыште шурным погат. ИКЦ-ын данныйже почеш, кок арня сай игече шогымо жапыште чылаже 4 тӱжем 200 гектарыште пырчым поген налме. Уржам тичмашнек поген пытарыме. Кызыт шож ден моло культурым погат.

Сай темп дене паша «Восход» СХК-те, «Победа», «ИТС-Агро» ООО-те, Бикмурзин, Биктимиров, Шуматбаев, Яшкин кресаньык-фермер озанлыклаште да «Мельник» ООО-то кая.