Калтаса район школ-влакым депутат-влак тергеныт

У тунемме ий тӱҥалме деч ончыч районысо школлашке депутат-влак миен коштыныт

Школ территорийым тӱзатымаш, инвентарь, спортзалым олмыктымаш да моло йодыш-влакат нуным интересоватленыт.

Краснохолмский селасе школлаште БР-се Кугыжаныш Погын – Курултайын депутатше Б.Г. Юмадилов лийын. Поснак кугу тӱткышым тудо пожар лӱдыкшыдымылык да тунемше-влакым пукшымо йодышлан ойырен. Краснохолмский школыш столовыйлан у оборудованийым кондымо, тудым у тунемме ий тӱҥалме деч ончыч шынден пытарышаш улыт.

Район Совет вуйлатыше А.Г. Габдрахманов ™лыл Качмаш кыдалаш школышто лийын да икымше классыш тунемаш толшо-влаклан школ ранецым пӧлеклен. Тудо школлан чӱчкыдын полшен шога. Эн сай тунемше, спортсмен, активист-влаклан стипендийым тӱла. Пайрем мероприятий-влакымат эртараш полша.

З. Максимова.