Краснохолмский селаште вӱдым ситарыме шотышто тичмаш модернизаций пашам намияш тӱҥалыт

– Краснохолмский селасе уремлаште могай пуч-влак кият – тыгай йодыш-влакым мыланна селаште илыше калык пуа.

Ситуацийым рашемдаш манын, ме ялсовет вуйлатыше Семен Цедилкин деч чыла йодаш лийна.

– Тений мемнан селаште вӱдым ситарыме системым пужен ыштыме шотышто проектым илышыш шыҥдараш тӱҥалына, – каласыш мыланна Семен Владимирович. – Краснохолмский селаште вӱдым ситарен шогымо внутренний сетьым чыла вашталтыме лиеш. Оксам «Фонд социальных программ» гыч ойырымо. Оксажат шагал огыл.

Проект почеш поквартальный арматурым установитлат. Икманаш, Тошто Холмышто аварий лиеш гын, то вӱд деч тиде кварталым гына йӧртат, а молышт тыгак вӱд дене пайдаланаш тӱҥалыт, вӱд деч посна иктат ок код.

Проект почеш тыгак у микрорайонлаште куштышжо кызыт вӱд уке, у вӱд линий-влакым чоҥымо лиеш.

Кызыт подрядчикым палемдыме. Тиде – «Сарнат» ООО. Конкурсым УАС (управление административными зданиями) ГУП эртарен.

Вашке мланде пашам шукташ тӱҥалыт, сандене йӧндымылык лектеш – села калыкым вуеш налаш огыл йодам. Вашке селасе вӱдым ситарен шогымо чыла внутренний сетьым вашталтыме лиеш. Мый тидлан моткоч чот ӱшанем.

– Тау.