Азат Имашевым Суд департаментын отличий знак дене палемдалтын

Суд системым вияҥдымашке, Россий Федерацийыште правосудийым чыла велымат пеҥгыдемдымашке да саемдымаште кугу надырым пыштымыжлан Имашев Азат Фаатовичым Россий Федерацийын Верховный судшо пелен Суд департаментын «За усердие» II-шо степенян отличий знак дене палемдалтын.

… Эше мӱндыр 1977 ийыште Калининград оласе МВД школым тунем лекмекыже, самырык лейтенант милицийын районысо пӧлкаштыже уголовный розыскын оперуполномоченныйже лийын ышташ тӱҥалын. Вара, шотан пашаеҥым, кугу ӱшаным пуышым, ялозанлык пӧлкан юридический пӧлкажым вуйлаташ колтат. 2000 ий тӱҥалтыште тудо районысо старший судебный пристав лийын.

2004 ий декабрьыште Азат Имашев судебный пристав службо гыч судьян полышкалышыжлан куснен. Тыште тудо сулен налме канышыш лекмекыже ыштен.

– Азат Фаатович мемнан колективын шӱм-чонжо улеш да лийын кодеш – тыгерак ойлат тудын нерген пашам пырля ыштыме йолташыже-влак – Краснокамский межрайонный судын Калтаса районысо Калтаса селасе суд присутствийын пашаеҥже-влак. – Тудо кеч-могай общественный кӱлеш мероприятийын танатарже (заводила) веле огыл лийын, тыгак Калтаса судын материально-технический базыжым пеҥгыдемдымашке изи огыл вийым пыштен. Тудын тыршымыжлан кӧра суд присутсвий зданийым да моло объект-влакымат капитально олмыктымо.

Пашам пырля ыштыме йолташыже-влакын мутышт почеш, организатор качествыжым Азат Фаатович поснак Башкортостан Республикысе суд системым ыштымылан 95 ий темме юбилейжым эртарыме годым ончыктен. Эн ончыч нуно судлан ӱшаным шочыктымашлан, правосудийын виш улмыжлан виктаралтыныт.

Тидын шотышто Азат Фаатович виш суд заседаний-влакым организоватлен, тушко кугырак класслаште тунемше, туныктышо, туныктышо-организатор-влакым ӱжын. Образований пӧлка дене пырля «Суд глазами детей» конкурсым эртарен, а кугырак класслаште тунемше-влак коклаште айдемын праважын негызше почеш интелектуаль модмашым эртарен.

– Тудын ойжо почеш суд присутствий территорийыште пӱнчым шындыме. Нуно чыланат ылыжыныт. Шинчам куандарен кушкыт, – каласыш судья Ришат Равилевич Ахмеров.

– Мыйын пашамым тыге кӱкшын аклымаште – чыла коллективын пашаже,— шотла Азат Имашев.