Калтаса районышто шуко пачеран латкум пӧртыштӧ 28 подъездым олмыктымо

Тений мемнан районышто шуко пачеран латкум пӧртыштӧ 28 подъездым олмыктымо

Ушештарена, республике власть, Башкортостан Республике вуйлатышын пашажым шуктен шогышо Радий Хабировын шӱдымыж почеш, шуко пачеран пӧртлаште подъезд-влакым олмыкташлан 6 миллиард теҥге оксам ойырен.

Пеҥыгдемдыме квота дене келшышын, мемнан районышто 2019 ийыште шуко пачеран 13 пӧртышто 28 подъездым олмыктышаш улыт.

Тачысе кечылан олмыктымо паша Краснохолмский селаште чулымын мия, тыгак Калтаса селасе Карл Маркс уремысе пӧртын подъездшым олмыктен сдаватлыме.

Ме тиде пӧртын ик подъездышкыже ончална. Тудым палаш лийын огыл: омсам кӱртньылан вашталтеныт да код замокым ыштеныт, проходной площадкым керамика плита дене петырыме, пырдыжлам штукатуритлыме, полтолкым ошемдыме. Светильник-влакыш энергосберегающий лампычке-влакым пижыктыме, кечыше чыла провода-влакым электрический плинтус ден кабель-канал-влак дене петырыме. Пластик тӧрза-влакым шындыме. Тидлан кӧра подъездыште ару да волгыдо лийын.

Ме тиде пӧртыштӧ илыше еҥ-влак дене тиде вашталтыш-влаклан моткоч куанышна. Чынжымак тыгай уэмдыме да мотор подъездыште илыме гына шукта.