Калтасаште Бесланыште лийше террактыште колышо-влакым шарналтеныт

Терроризм моткоч шучко, лӱдыкшӧ мут. Лач тудлан лӱмдалтын ыле кодшо кушкыжмын 2 №-ан Калтаса кыдалаш школышто эртыше мероприятий. Тудым «Центр» клубын педагогшо-влак ямдыленыт. Школын актовый залыштыже кокла да кугырак клкасслаште тунемше рвезе ден ӱдыр-влак погыненыт ыле. Нуно Бесланыште лийше террактыште колышо-влакым шарналтеныт. 15 ий ожно школым террорист-влак руалтен налыныт. Тушто 1000 тунемше, ача-ава да туныктышо-влак лийыныт. Тыгодым 300 еҥ колен, тушеч 186 – йоча. 800 еҥ сусырген.

Террор ваштареш кучедалме мероприятийыште Россий МВД-ын Калтаса районысо пӧлкажын полицийын участковый уполномоченный-влакын вуйлатышышт Ибаев Алексей Юрьевич, ЧО ГО-н специалистше Айдимиров Валерий Петрович да Калтаса районын почетан еҥже, районысо мусульман-влакын имам-мухтасибышт Ибрахим хаджи Хазрат Абзелитдин лийыныт. Кажныже залыш погынышо-влак ончык лектын ойлен. Икымше кок уна терракт годым шкем кузе кучаш кӱлмӧ нерген ойленыт:

– Чаманаш веле кодеш, кызытсе тӱня моткоч лӱдыкшӧ улеш, сандене кажне еҥ мо тугай терроризм пален шогышаш. Те, тунемше-влакат, ӧрдыжеш кодшаш огыдал, терракт деч шкем, родо-шочыда-влакым кузе арален кодымым палышаш улыда, – каласыш Валерий Петрович да тунемше-влакым терракт лӱдыкшӧ улмо годым шкем кузе кучаш кӱлмӧ правил-влак дене палдарыш.

Ибрахим хаджи Хазрат икте-весым пагалаш, терроризм ваштареш кучедалаш кӱлмӧ нерген ойлен.

Беслан нерген фильмым ончымо годым, шукыжын шинчавӱдшӧ лектын.

Тачысе тунемше-влак ту годсл трагедийым огыт шарне, но лач тыгай мероприятий-влаклан кӧра тидын нерген чыланат палат.