Краснохолмский селасе рвезе ден ӱдыр-влак коклаште мини-футбол дене турнир эртен

Краснохолмский селасе «Лидер» ДЮСШ-те 2005-2006 ийыште шочшо рвезе ден ӱдыр-влак коклаште мини-футбол дене район турнир эртен. Тудо Нефть да газ промышленность пашаеҥын кечыжлан лӱмдалтын лийын.

Ончыл верлан Калтаса ДЮСШ-ан ӱдыр ден рвезе-влакын командышт (тренер Байдуганов О.В.), «Лидер» ДЮСШ-ан ӱдыр-влакын кок командышт (тренер Мадиева Т.М.), «Лидер» ДЮСШ-ан рвезе-влакын кок командышт (тренер Тимиряев Р.П.) кучедалыныт.

Чыла модмаш оҥай лийын. Ӱдыр-влак коклаште ончыл верлам налыныт: икымше вер – Калтаса ДЮСШ-ан командыже, капитан Нуриева Аделина; кокымшо вер – ДЮСШ Холм 1, капитан Сабирзянова Сулейма; кумшо вер – ДЮСШ Холм 2, капитан Калиаскарова Екатерина.

Рвезе-влак коклаште икымше верым ДЮСШ Холм 1 налын (капитан Хабиров Максим); кокымшо – ДЮСШ Холм 2, капитан Патершин Павел; кумшо – Калтаса ДЮСШ-а, капитан Байдуганов Давид.

В. Мадиев