Кӧкыш ялыште Лилия Иосифовна Шакирова эн ончыч сайлен

Кӧкыш ялыште 2203 №-ан сайлымаш участке 7.00 шагат эрдене почылтын. Эн ончыч, участковый сайлыме комиссий вуйлатышын ватыже, Лилия Иосифовна Шакирова сайлен.

– Тиде мемнан дене поро йӱлашке савырнен, – ойла Юрий Александрович Шакиров. Мемнан участкыште эре мыйын ватем эн ончыч йӱкла. Тудын куштылго кидше деч вара сайлымаш умбакыжат сайын эрта.

Кӧкыш ялыште сайлымаш участке верысе клубышто верланен. Тыште ныл ял калык йӱкла: Кӧкыш, Кокла Качмаш, Кӱшыл Качмаш да Эльчывай. Сайлымаш спискыште 361 еҥ.

Кӱшыл Качмаш ял гыч сайлыше-влакым автобусс кондыштараш тӱҥалеш, а Кокла Качмаш ден Эльчывайыш сайлымаш комиссийын членже-влак шке мият. Тиде кок ялыште тӱҥ шотышто пенсионер-влак гына илат.

Башкортостан Республике вуйлатышым сайлыме дене пырля эше ныл ял калык Ӱлыл Качмаш ялсоветыш депутат-влакым сайлаш тӱҥалеш. 2203 №-ан сайлымаш участке пелен ныл округым закрепитлыме. Депутат мандатдлант 9 кандидат кучедалаш тӱҥалеш.