Ӱдырамаш пиал территорий

Ӱдырамаш погынышто Агидель ола гыч, Краснокам ден Калтаса районлан гычат ўдырамаш-влак участвоватленыт. Тиде мероприятий нерген мыланна Калтаса районысо ўдырамаш-влакын ушемыштын вуйлатышыже Зоя Валеевна Максимова каласкалыш.

– Чыла погынышо ўдырамаш-влаклан регион вуйлатышын ватыже Каринэ Хабирова Федераций Ушемын наука, образований, культура шотышто комитет вуйлатышын алмаштышыже Лилия Гумерова, Башкортостан Республикысе Кугыжаныш Погын – Курултайын вуйлатышыжын алмаштышыже Эльвира Аиткулова, Башкортостан Республикысе культура министр Амина Шафикова, Башкортостан Республикысе йоча-влакын правашт шотышто уполномоченный Милана Скоробогатова дене «Деловая гостинаяште» вашлийын мутланаш оҥай да пайдале лие. Чыланат «Территория безопасности и ЗОЖ» тазалык йолгорнышто лийыныт да участвоватленыт, шарнен кодашлан фотосўретым ыштеныт.

Чылан кумылжым моторлык, мастарлык, куштымаш, ўдырамаш стиль, мурымаш территорий савырен.

Самопознаний территорийыште «Кое-что о психологии мужчины и женщины» практикум эртен, «Как узнать и раскрыть таланты детей», «Аррт-терапия, как метод диагностики детско-родительских отношений» теме-влак дене мастер-класслам эртарыме. Ӱдырамаш-влаклан эн кўлешан теме-влак – «В ожидании чуда», арт-терапий «Здравствуй, малыш!» да молат лийыныт.

Мо тугай, содыки, ўдырамаш пиал? Кажнына тудын нерген шке семынже шона. Мыйын шонымаште ўдырамаш пиал – тиде таҥасымаш, тат огыл, тиде – кажне минут дене пайдалынымаш, куанен илымаш. Тый гына решатлен кертат, пиалан улат мо кызытсе жаплан.