Калтаса ужара
+17 °С
Пылан
Все новости
Новости
18 Сентябрьыште 2019, 12:55

«Холмичи»: шокто, йӧратыме гармонь!

«Холмичи» образцовый театр “Играй, гармонь любимая!” телеперадаче съемкышто участвоватленыт. Тудым 21 да 28 сентябрьыште 9.00 шагатыште ончаш лиеш

«Холмичи» образцовый театр «Казачий спас» казак-влакын культурыштын IV Межрегиональный фестивальыште участвоватлен. Нунылан жюри член-влак кўкшӧ оценкым шынденыт да икымше степенян Дипломым кучыктеныт. Фестиваль эртыме жапыште Захар ден Анастасия Заволокинмытын «Играй, гармонь любимая!» телепередачым сниматлыме. «Холмичи» пеҥгыде кастингым эртыме деч вара, съемкышто фестивальын сеҥышыже семын участвоватленыт.
Кузе мыланна Геннадий Заволокин лўмеш «Играй гармонь» Россий рўдер гыч увертареныт, съемкышто, кушто «Холмичи» участвоватлен, кок выпусклан шелме: тудым федераль каналыште кок гана – 21 да 28 сентябрьыште 9.00 шагатеш ончыкташ тўҥалыт.
Краснохолмский селан, мемнан районын да Башкортостан Республикын чапшым Межрегиональный фестивальыште да телепередачым сниматлыме годым образцовый театрын палыме артистше-влак Артур Галиаскаров, Иван Чуверов, Булат Ганеев, Алексей Шакретдинов да эше опытым погаш гына тўҥалше актер-влак Линар Рахимьянов, Александр Акиев, Данил Яндуганов, Игорь Шангараев, Иван Бронников, Булат Шарапов, Айрат Гайбатов, Артем ден Сергей Кеян араленыт. Нунылан Башкортостан Республикын культурыжын сулло пашаеҥже Владимир Николаевич Новоселов аккомпанироватлен, вокал – Ильшат Анифович Габидуллин.
Йоча ден нунын ача-аваштлан эше ик увер: тений «Холмичи» образцовый театрын подготовительный пӧлкашкыже кумда набор эртаралташ тўҥалеш. Тыгай набор кум ийлан ик гана эртаралтеш. Те 3,4,5 класслаште тунемыда да тендан «Холмичи» образцовый театрыш ушнаш кумылда уло гын, 89176152321, 89373081263 номер-влак дене йыҥгыртен кертыда.
Пытартыш 18 ий жапыште гына коллективыште 350 утла рвезе заниматлалтын. «Холмичи» образцовый театр кок гана Москваште, Екатеринбургышто, Пензаште, Казаньыште, Набережные Челнаште, Уфаште выступатлен. Коллективым Башкортостанын ятыр ола ден районлаштыже палат. «Холмичи» – республике, Россий, Тўнямбал фестиваль-влакын сеҥышыже ден лауреатше улеш.
Йыҥгыртыза, толза, оҥай лиеш. Тунемашлан оксам тўлыман огыл.
А. Митрошин, БР культурын сулло пашаеҥже.