Кушто эрыктат, тушто ару…

21 сентябрьыште мемнан элна Арулык тўнямбал кечыш эше ик гана ушненыт. Мемнан районнан ӧрдыжеш кодын огыл.

Районысо яллаште илыше еҥ-влак территорийым, уремым, корнылам, оралте-влакым шўкшак, пушеҥге гыч вочшо лышташ деч эрыктеныт. Чыла организаций ден учрежденийын пашаеҥже-влак субботникыште участвоватленыт. Кӧ -дыр кугарнян касвелеш сай игечын субботникыш лектын.

Санитарный эрыктымаш, тўзатымаш да ужартымаш шотышто шыжымсе месячник 10 сентябрьыште тўҥалын да 10 октябрь марте шуйна. Тудын дене келшышын кажне арнян «санитарный кугарня» эрташ тўҥалеш.

Арулык тўнямбал кече, а тудыжо «Ыштена!» манылтеш, Российыште – гражданский акций. Тудо обществым, властьым, СМИ ден бизнесым элнам шўкшак деч эрыкташ манын ик командыш ушаш лийын. Поснак пўртўсым: чодырам, олыкым, вўд воктене серлам эрыкташ кугу тўткыш ойыралтеш.

Шушаш «кугу субботникым» 5 октябрьыште эртараш палемдалтеш. Тиде кечын тудо ужартыме пашалан лўмдалтын лиеш. Шошымсо гаяк пиштым, пызлым, кожым, пўнчым да моло пушеҥге-влакым шындыме лиеш.