Калтаса ужара
+20 °С
Пылан
Все новости
Новости
1 Шыжа 2019, 16:40

Мланде марте вуйнам савена

Моткоч сай пайрем – Илалше-влакын кечышт лишемеш

Шуко еҥ, сулен налме канышыш лекмекыже, мер илыш гыч кая, шке илышыжым лач икшывыже ден уныкаже-влаклан гына пӧлекла. Краснохолмский села гыч БР-ын сулло чоҥышыжо Порошин Василий Ильичын чон поянлыкше ден шокшыжо икшывыже ден уныкаже-влаклан гына огыл, тыгак Калтаса селасе соцприютын воспитанникше-влакланат сита.
Василий Ильич икмыняр ий почела мемнан приютлан полшен шога. Тудо йоча-шамычлан шке пакчаж гыч тўрлӧ пакчасаскам конда. Кунам мўкшотарже лийын, икшыве-влакым мўй дене сийлен. Кажне пайрем годым Василий Ильич йоча-влак деке вашка. Тудо нуным пайрем дене саламла, нунын дене мутлана, нунылан поро каҥашым пуа, тыгак тўрлӧ шере кочкыш, пакчасаска дене сийла. У, 2016 ий деч ончыч, школышто сайын тунемше кок йоча тудын деч пӧлек шотеш сото телефоным налын.
Чўчкыдын Василий Ильич дене пырля приютышко тудын ватыже Вера Павловна да Уфа ола гыч шочшыжо Черепанова Надежда Николаевна толыт. Вера Павловна икшыве-влакым мӧҥгыштӧ кўктымӧ тутло кочкыш дене сийла, а Надежда Николаевна нунылан шокшо носким, тапычкым, упш-влакым пӧлекла.
Пагалыме Василий Ильич, Вера Павловна, Надежда Николаевна!
Ме, соцприютын пашаеҥже ден воспитанникше-влак, тендам уло кумылын сылне пайрем дене саламлена да тыланда пеҥгыде тазалыкым, еш пиалым да чыла сайым гына тыланен кодына.
Тек тендан илышда шокшо да кечан лиеш.
Р. Шаймарданова.