Шке пушеҥгым шынде

Черетан кугу субботник «Зеленая Башкирия» акций эртыме жапыште 5 октябрьыште лиеш. Тиде кечын тўҥ шотышторайон территорийым ужарташ тўҥалыт.

Ял ден селалаште пиште, пызле, кож, пўнчӧ, куэ да моло пушеҥгымат шындаш тўҥалыт. Айдемын илышыштыже пушеҥгын кўлешлыкше моткоч кугу.

Экологий кризис пўсеммылан кӧра, шуко еҥ шке тўсшым кушкыл тўняшке, поснак чодыра велке, савырен. Вет арамлан огыл чодырам «планетын ужар щитше» манын ойлат. А айдемылан гын чодыра – «ужар» йолташыш савырнен.