Грипп деч ончылгоч аралалтмаш

Тидын нерген мыланна Калтасасе райрўдє эмлымверын врач-эпидемиолог Гимранов Рашит Давлетшаевич каласен. Тудын мутшо почеш, кызыт районышто грипп эпидемий уке, но кылмен черланаш тўҥалыныт. Январь-март – ОРВИ, ОРЗ да грипп дене черланыме пўсӧ жап.

Р. Гимранов ушештарен, эртыше ийын мемнан районышто грипп дене черланыме ныл случайым регистрироватлыме лийын. Пошкудо, Янаул районышто ты чер деч ик еҥ колен. Сандене грипп деч кызытак аралалтман.

– Мемнан дене грипп деч прививкым ыштыме кампаний тўҥалын, – ойла Рашит Давлетшаевич. – Тений ме 10600 еҥлан прививкым ышташ палемдена. Мемнан районысо медицине учрежденийыште вакцине уло. Тачысе кечылан 5050 дозым шалатенна. Эн ондак прививкым медицине, образований пашаеҥ, илалше еҥ да нелашан ўдырамаш-влаклан ыштена. Эше ик партий вакцине 10 октябрь деч вара пурышаш. Тугеже работодатель-влак грипп деч шке пашаеҥыштым арален кертыт.

Прививкым жапыштыже ыштыман, вет иммунитет кок арня гыч гына формироватлалтеш. Кызыт, медицине пашаеҥ-влакын шонымышт почеш, вакциным ыштыме сай жап.