Аралаш налмаште лийман

98 ий ончыч Совет Российыште кугыжаныш страхованийын тўҥ управленийже – «Госстрах» – ышталтын. Таче Госстрахын правопреемникше – «Росгосстрах». Тудо Российыште ик эн кугу страховой компаний улеш. Башкортостан Республикын Калтаса селасе универсальный офисшым – «Росгосстрах» филиалын вуйлатышыже Рамиль Рифович Амиров шке коллектившын пашаже нерген каласкален.

– Мемнан элыште компаний курым пашам ышта манаш лиеш. Тудым кугурак тукым ончычсо семынак Госстрах манеш, а самырык-влак – «Росгосстрах». Ты ийлаште «Росгосстрах» российысе страховой рынкыште кумдан палыме лидер лийын да улеш.

Компанийын тўҥ сеҥымашыже – тиде тудын пашаеҥже-влак, нуно шке пашаштым йӧратат, клиент-влакым пагалат. Башкортостан Республикыште «Росгосстрах» системыште кок тўжем утла еҥ пашам ышта, а мемнан страховой офисыште – 18 еҥ: кумытшо офисыште тырша, 15 страховой агент, нуно верлаште тыршат. Анварова Фанзия Фаниловна ден Изимариева Нинель Владимировна тыште ятыр ий тыршат, страховой паша стажышт – 26 ий. 1996 ий гыч Трофимова Альвина Тимирьяновна страховой агент лийын пашам ышта. Мемнан дене страховой агент лийын 20 ий утла Халима Гадельшиевна Рамазанова да агентский группын вўдышє менеджерже Абганиева Рима Савиевна тыршат. Тыгак пашам пырля ыштыме йолташ-влакым поро мут дене шарналтыме шуэш, нуно кызыт сулен налме канымаште улыт, мемнан районышто илыше калыкын тазалыкшым да погыжым аралыме чумыр пашашке кугу надырым пыштеныт: Быкова Евдокия Павловна, Шараева Лидия Атнагуловна, Тимирханов Минсабир Тимирханович, Яманаев Андрей Алексеевич, Николаева Зоя Яковлевна, Ахмадуллина Лилия Габбасовна, Муллаханова Рузиля Абдулхаировна, Васильева Антонида, Шамсутдинова Раиса Ильчибаевна, Миксонова Галина Дмитриевна.

Айдеме дене пашам ышташ куштылго огыл: кылым муын моштыман, шке деке шўмаҥдыман, мемнан страховой услуга дене пайдаланаш ўшандарыман. Клиент дене кыл эн ончычак ўшанымаште шочеш, а мемнан районышто илыше калык мыланна ўшаным ончыкта. Мемнан дене агент-миллионник-влак улыт: Расима Тимирхановна Сенокосова, Тансиля Насифуллиновна Шаймурзина, талукышто ты суммылан страховой тўлам погат.

– Ончылно каяш манын, шуко тыршыман да вияҥман.

– Чын. Ий еда Башкирийыште илыше калык «Росгосстрахыште» миллион утла страховой договорым ышта. Тиде цифре ий еда кугем толеш. Кызытсе жапыште страховой рынкыште вияҥмаш деч посна ончыко каяш ок лий. Компаний илышым да погым веле огыл страховатлыме услугым ончыкта. Ме тыгак компанийын официальный сайтыштыже вияҥына, мемнан мобиль приложенийна уло. Нуно клиент-влаклан ОСАГО да КАСКО полис-влакым оформитлат, йот элыш да Россий мучко кошташ страховатлалташ йӧным пуа, страховой случай нерген увертараш, экстренный служба да компанийын специалистше-влак дене кылым кучаш полша, клиент-влак компанийын сайтыштыже тўлымӧ паша статусым ончен кертыт. «Росгосстрах» шке клиентше-влаклан медицине услугым налаш дистанционный сервис-влакым темла.

Туге гынат айдемын илышыжым, нунын погыштым да тазалыкыштым страховатлыме паша ончылно улеш. Ме районышто илыше калыклан илыме верым да погым страховатлаш кўлмє нерген ойлаш огына ӧркане. Тиде шкендын, ончыкылык илыш, еш деке вуйын шогыман паша, эҥгек, пўртўсышто лийше туткар, пожар да толымаш деч ўшанле аралалтыш. Мемнан пашаеҥна-влак калыклан чыла умыландарат, полшат.

С. Аркадьева серен налын.