Инициативный да творческий воспитатель

Ача-авалан у воспитательлан шке икшывыжым ўшанен пуаш неле. Вет тудо тыйын йочат дене 70% жапым эртараш тўҥалеш. Но тидым ыштыман. Туныктышо, воспитательын пашаже – почетан, но тыгодымак вуйын шогыман. Вет могай воспитатель тыйын йочат дене пашам ышта, ончыкыжым тугай йоча кушкын шогалеш. Моткоч сай, кунам воспитатель йоча-шамычым уло кумылын йӧрата, нуным пагала да жапла. Лач тыгай воспитатель Филимонова Тамара Валентиновна улеш. Тудо тиде пашалан уло чонжым пуа.

Кўшыл образованиян туныктышо, эре уым кычалеш. Тамара Валентиновна инициативный, пашам творческий ыштыше воспитатель улеш, тудо шуымо результатыште чарнен ок шого, йоча-влакын нравственный качествыштым воспитатла. Тиддеч посна Тамара Валентиновна моткоч сай почеламут-влакым воза. Тудын тўҥ темыже – пўртўс, йоча-влакым, авам, профессийым йӧратымаш. Тудын почеламутшо-влак чўчкыдын «Калтаса ўжара» район газетыште савыкталтыт. А шкенжын почеламут-мурыжым, кушто тудо поселкым, нефтяникын пашажым чапландара, кажне мероприятийыште да пайремлаште йоҥгалтара.

Тамара Валентиновна мемнан районын чапшым чўчкыдын «Зов предков» регион-влак кокласе литературно-поэтический фестиваль-конкурсышто арала.

Пашам ятыр ий да тыршен ыштымыжлан тудым образований пӧлка ден район администрацийын дипломжо ден Чап грамота-влак дене палемдалтын.

«Работа с родителями» книгам луктын. 2008 ийыште администрацийын пунчалже почеш Филимоновмытым «Идеальный ешлан» шотленыт.

Краснохолмский селасе «Петушок» йочасадын коллективше.