Поро айдеме

Тудын паша принципше– самырык еҥлан почылташ полшаш. Тудлан ўшаным шочыкташ. Тудын ик эн кугу орудийже – мут, сандене Александра Мухамедшаевна тудым моштен кучылташ туныкта. Кажне йочан вияҥмыжым эскера, шке семын пашам ышташ туныкта. Тудын уроклаштыже порылык, икте-весым пагалымаш шўлыш озалана. Пеҥгыдын йодшан, шке пашажым сай пала да йӧрата, тунемше-влак деке кылым муын мошта, тудын урокшо-влак эре оҥайын эртат, тунемме материал дене пойдаралтыныт. «Александра Мухамедшаевна, пеҥгыдын йодшан, но тыгодымак чын, тўткӧ, ныжыл улеш. Материалымат умылаш лийме йылме дене умылтара, неле годым эре полша, каласа» – тыгерак ойлат тудын нерген тунемше-влак. ўдымӧ пырчыже кушкын да шарлен. Ятыр ий пашам ыштымеке, мыняр тукым талантан, эн сай тунемше-влакым туныктен луктын. Тудын выпускникше-влак тўрлӧ профессийым ойырен налыныт: туныктышо, медицине пашаеҥ, военный, сатучо да молат. Шукышт шочмо селаштыштак пашам ыштат.

Александра Мухамедшаевна – моткоч сай айдеме. Ни жапым, ни вийым чаманыде педагогике новинке-влакым шымла да вара пашам пырля ыштыме йолташыже-влак дене палдара. Тудо опытан наставник улеш.

Тендам юбилейда дене профессиональ пайрем – Туныктышын кечыже вашеш саламлена да пеҥгыде тазалыкым, пашаштыда сеҥымашым да чыла сайым гына тыланен кодына.

Ме тендан дене, Александра Мухамедшаевна, кугешнена да тендан деч эре примерым налын шогена.

2 №-ан Калтаса КШ-ын коллектвше.