Сеҥымашын секретше- йоча-влакым йӧратымаште

Тыгай айдеме-влак кокла гыч иктыже – Капитолина Иштубаевна Тимиряева, 2 №-ан Калтаса кыдалаш школын географийым туныктышыжо.

Капитолина Иштубаевнан туныктымо пашаште опытшо, шинчымашыже кугу. Тудо шке пашажым йӧрата да тудлан уло шўм-чонжым почын пуа. Капитолина Иштубаевнан педагогика мастарлыкшым нимогай разряд да квалификаций дене аклаш ок лий. Тыгай туныктышо-влакым кугу буква гыч Туныктышо маныт.

М. Горький, кажне йочан шўм-чоныштыжо шинчалан койдымо струна-влак улыт манын каласен, лач нуным тўкалтен моштет гын веле, нуно сылнын йоҥалташ тўҥалыт. Тыгай струна-влакым Капитолина Иштубаевна кажне йочаште муын мошта. Тудо шке вийжым да жапшым чаманыде, шкенжым тичмашнек йоча-влаклан пуа. Сай туныктышо, шке пашажым сай палыше мастер, тудо илышлан ик тукымым гына огыл ямдылен.

Тудо паша деч посна шинчен ок керт. Йоча шўмым палыше сай туныктышо, нунын творческий мастарлыкыштым шуара, пўртўсым шымлаш да йӧраташ туныкта. Тунемше-влаклан тудын дене куштылго, весела. Капитолина Иштубаевна нунылан келге шинымашым пуа.

Капитолина Иштубаевна чыла вере шуаш тырша. Вет тудо сай туныктышо веле огыл, тыгак сай озавате, шешке, вате, ава да кова улеш. Пелашыже дене пырля кок икшывым ончен кугемденыт.

Пагалыме да шерге Капитолина Иштубаевна! Ме, пашам пырля ыштыме йолташда-влак, тендам чапле юбилейда дене саламлена. Тек Тендан педагогика талантда, порылыкда чыла туныктышо ден тунемшылан маяк семын лийын кодыт. Те мыланна пример улыда. Ме тыланда чыла сайым гына: тазалыкым, пиалым, сеҥымашым тыланен кодына.

2 №-ан Калтаса КШ-ын коллектвше.