Калтаса ужара
+20 °С
Пылан
Все новости
Новости
4 Шыжа 2019, 15:30

Туныктышо нерген мут

Киябак школын коллективше уло кумылын моткоч сай туныктышо Савельева Любовь Васильевнам юбилейже дене саламла!

Любовь Васильевна 1959 ий 30 апрельыште Краснохолмский поселкышто шочын.
1967 гыч 1977 ийлаште 1 №-ан Краснохолмский кыдалаш школышто тунемын. 1977 ийыште Кырпе кандашияш школышто немыч йылмым туныкташ тўҥалын, тыгак старший пионервожатый лийын. Тиде ийынак БГПИ-ын руш йылме ден литератур факультетышкыже паша деч кўрылтде тунемаш пурен. Кум ий гыч, 1981 ийыште, тиде институтынак йот йылме факультетышкыже очно тунемаш пурен. Институтым тунем лекме деч вара Савакмарий кандашияш школышто завуч, немыч йылмым туныктышо лийын тыршен, вара Свердловск оласе 15 №-ан йоча комбинатыште воспитатель. 1993 ий гыч туныктымо пашажым умбакыже шуен – Киябак тичмаш огыл кыдалаш школышто Башкортостанын историйже ден культурыжым туныктен.
Творческий да талантан Любовь Васильевна эре кеч-мом гынат уым кычалын. Кажне урокшо тудын ойыртемалтше лийын, тунемше-влак тушто шке шонаш, шке шонымым луктын каласаш тунемыныт. А туныктышо тидым эре аклен моштен.
Любовь Васильевна кеч-могай пашамат – уроклан ямдылатын, тунемше-влакым почеламут конкурс але художественный самодеятельностлан ямдылен – куштылгын шуктен.
Пашам тыршен ыштымыжлан тудым образований пӧлкан. Чап грамотыжо-влак дене палемдыме.
Киябак школын коллективше.