Калтаса ужара
+17 °С
Пылан
Все новости
Новости
8 Шыжа 2019, 16:08

«Илыш, мый тыйым йӧратем!»

Уфа олаште «Илыш, мый тыйым йӧратем!» кугырак тукым еҥ-влакын творческий фестивальышт эртен

Гала-концертым иктешлыме деч вара мемнан район икымше верыш лектын.
2019 ий 1 октябрьыште Уфа оласе Конгресс-холлышто «Илыш, мый тыйым йӧратем!» кугырак тукым еҥ-влакын художественный самодеятельный творческий республикысе VIII фестивальын гала-концертше эртен, а тудыжо Башкортостан Республикым ыштымылан 100 ий теммылан лўмдалтын лийын.
Шке творческий моштымашыштым ончыктышо-влак ятыр лийыныт. Шым зональный турым иктешлымеке, жюри гала-концертлан эн сай коллектив-влакым ойырен налын. Тиде кечын Салават, Уфа, Туймаза, Стерлитамак, Благовещенск ола да Абзелил, Архангельск, Бижбуляк, Давлеканово, Зианчуринский, Калтаса, Кигинский, Мечетле, Мишкан, Туймаза, Уфа, Федоровск, Чекмагуш район-влак гыч эн сай самодеятельный художественный коллектив ден посна исполнитель-влак участвоватленыт.
Мемнан район рўдӧ Культура пєртын методистше Лилия Матвееван вуйлатымыж почеш, «Лач пырляште весела» марий фольклор композицийым ончыктен.
Толдӧ ял гыч «Кумыл» фольклор коллектив (солист-влак Георгий Ачибаев да Люция Байрамова, вуйлатыше – Л.А. Байрамова), Кугу Келтей ял гыч «Умыр кас» фольклор ансамбль (солист-влак Римма Изимариева ден Людмила Ислаева, вуйлатыше Л.И. Тимирбаева), «Рвезе кумыл» гармонист-влак ансамбль (Кугу Келтей ял гыч Борис Ибаев, Кугу Агытан ял гыч Иосиф Исинбахтин, Калтаса села гыч Александр Байбулатов, вуйлатыше – В.А. Шуматов) участвоватлен да мемнан артист-влаклан 1-ше верым пуымо.
Тылеч посна, жюри Краснохолмский села гыч Горбунова Валентина Павловна ден Калтаса села гыч ветеранмыт калык хорын участникше Илтубаев Михаил Илтубаевичым «За любовь к жизни и творческое вдохновение» лўмын диплом дене палемдаш лийын.