«Forbes» журналын специалистше-влак Российыште илыше эн поян еш-влакын спискыштым ыштеныт

«Forbes» журналын специалистше-влак Российыште илыше эн поян еш-влакын спискыштым ыштеныт.

Москваште илыше Гуцериевмыт еш – рейтингыште эн ончылно. «САФМАР» промышленно-финансовый группышто нунын эн шуко акцийышт уло. 2019 ийыште ешын бюджетше 5 миллиардат 650 миллион доллар лийын. Кокымшо верыште – Санкт-Петербург гыч Ротенбергмыт еш (5 миллиардат 180 миллион доллар). Поян-влак коклашке Татарстанын ончычсо вуйлатышыже М. Шаймиевын ешыже логалын (2,8 миллиард наре доллар).