Корным тўзатымылан шуко оксам ойырымо

2019 ийыште Башкирийыште автокорным тўзатымылан 3 млрд 111 млн те‰ге оксам ойырымо. 1 октябрьлан 88 процентшым кучылтмо, 1 км корным тўзаташ 228 тўжем те‰ге кая. Тидын нерген 7 октябрьыште республике правительствыште «Транспорт шагат» форматыште эртыше погынымаште палыме лийын.

Башкирийыште региональ да межмуниципаль значениян 626 автокорно уло, 13 тўжем утла километрыш шуйна. Автокорнышто 1642 кўвар верланен.

Погынымаште тыгак телылан корным ямдылыме нерген ка‰ашеныт. Чумыр технике деч 80 процентшым, ошма-шаргў вартышын 70 процентшым ямдыленыт. Теле сезонлан Уфаште 7940 тонн реагентым налме лиеш, тышеч инновационный бионордым, тудын ик тоннжо 18 тўжем те‰геш шуэш.

Проблеме-влакымат ка‰ашеныт: погынымашын участникше-влакын мутышт почеш, поранан але лум чот йогымо годым лумым эрыктыме технике ок сите. Уфаште 1748 урем, кажныже 1567 км шуэш.

Телым корнылаште 449 технике лумым эрыкташ да шупшыкташ тў‰алеш. Тений 224 млн те‰гелан эше 36 техникым налме, тыгак 132 млн те‰гелан 37 техникым налаш палемдалтеш – нуныштым 2020 ий январьыште кондымо лийыт.

«Башинформ» ИА.