Калтаса район Республике кече лўмеш пайрем марафонышто участвоватлен

9 октябрьыште Башкортостаным ыштымылан 100 ий теммылан да Республике кечылан лўмдалтше мероприятий эртен.

Пайрем райрўдє Культура пєртым капитальный реконструкций деч вара почмо дене тў‰алын. Самырык артист-влакын волгыдо хореографический выступлений да унамытым кинде-шєнчал дене вашлийме деч вара, район администраций вуйлатыше Юрий Минзарипович Садыров да пайремын почетан унаже-влак – БР культура министрын алмаштышыже Ранис Раисович Алтынбаев да БР Госкомитетын юстиций паша шотышто вуйлатышын алмаштышыже Альмира Раисовна Султанова символ сынан йошкар лентым пўчкыныт.

Республике кече лўмеш погынымашке толшо-влаклан уэмдыме райрўдє Культура пєртын фоештыже тематический выставке-влакым ыштыме лийын.

Краснохолмский селасе йоча усталык школын инструментальный ансамбльже мотор сем дене чылаштымат вашлийын. А Калтаса селасе 1 №-ан «Солнышко» йочасад башкир юртыш пуралт лекташ ўжын. Школ деч єрдыжтє туныктымо рўдерын, «Сказка» студийын да «Шонанпыл» йоча усталык пєртын воспитанникше-влак шке пашаштым ончыктеныт. Вернисажлаште самырык художник да фотограф-влакын пашашт дене палыме лийын кертыныт. Калтаса район библиотеке Театр идалыклан тематический выставкым ямдыленыт да о‰ай фотозоным ыштеныт, тыште йомакысе персонаж-влак дене фотографироватлалташ лийын.

Район администраций вуйлатыше Ю.М. Садыровын да пайремын почетан унаже-влак – БР культура министрын алмаштышыже Ранис Раисович Алтынбаевын да БР Госкомитетын юстиций паша шотышто вуйлатышын алмаштышыже Альмира Раисовна Султанован саламлымашышт деч вара районысо ветеран, тыршыше пашае‰-влаклан «100 лет образования Республики Башкортостан» юбилей медаль-влакым, Чап грамотым да Таум каласыман серыш-влакым кучыктеныт.

«100 лет образования Республики Башкортостан» юбилей медаль-влак дене М.А. Абдуллин, А.В. Косолапов, П.В. Кузьмин, С.П. Марутин, Г.С. Сайфуллин, Р.Ш. Шакиртов палемдалтыныт. «БР образованийын отличникше» Почетан знак дене 3 №-ан Краснохолмский кыдалаш школын тў‰алтыш класслам туныктышо К.А. Садыкова палемдалтын.

Башкортостан Республике Кугыжаныш Погын – Курултайын Чап грамотыжо дене Ленин лўмеш СХПК-ын вуйлатышыже Д.В. Мухаметшин, Кугу Качак ял библиотеке вуйлатыше Л.И. Насипуллина палемдалтыныт. Краснохолмский ялсовет администрацийын секретарьже А.Т. Армяниновалан, Келтей ялсовет администрацийын пашажым виктарыше У.Е. Батыршиналан, Краснохолмский селасе 1 №-ан КШ-ын тў‰алтыш класс-влакым туныктышо Н.В. Красноперовалан, Кожлаял клубын культорганизаторжо В.С. Сайфутдиновлан Республике Кугыжаныш Погын – Курултайжын Таум каласыман серышыжым кучыктеныт.

Юстиций паша шотышто БР Госкомитетын Чап грамотыжо дене Калтаса районысо ЗАГС пєлка вуйлатыше И.В. Валеева да ЗАГС пєлкан вўдышє специалист-экспертше А.А. Ипаевам чапландареныт. БР культура министр деч таум каласыман серышым район администраций вуйлатыше Ю.М. Садыровлан, райрўдє Культура пєртын методистше, «Барыня» калык вокал ансамбльын художественный руководительже О.Н. Мерзляковалан да Краснохолмский селасе йоча искусство школын гитаре класс шотышто туныктышо Г.Х. Адигамовалан пуэныт.

Калтаса район гыч кум еш мужырым юбилей пайремышт дене саламленыт. Юбиляр-влакым Республикын кечыж ваштареш саламленыт.

Республике вуйлатыше деч саламлымаш ден шарнаш кодшо пєлек-влакым Калтаса села гыч Серозтдин Разаитдинович ден Самсигиния Мухутдиновна Гараевмыт налыныт. Нуно 60 ий пырля илат. Тыгак шєртньє сўан дене Краснохолмский села гыч Баян Гимадрисламович ден Файруза Маликовна Гибадрисламовмыт ден Тогыний ял гыч Евгений Шараевич ден Людмила Дедымышевна Гареевмытым саламленыт.

Республикын кечыжлан лўмдалтше концерт программыште культура учреждений-влакын эн сай коллективышт ден мурызыжо-влак выступатленыт.

Районысо Культура пєртын сценыж гыч башкир, руш, марий, татар, удмурт йылмыла дене муро-влак йо‰галтыныт. Нуным «Янчишме» фольклор ансамбль, «Барыня», «Ший о‰гыр», «Сударушка» мурышо калык ансамбль-влак, «Ингур» ден «Зангари» фольклор коллектив-влак, «Рвезе кумыл» гармонист-влак ансамбль, Краснохолмский йоча музыкаль школын ансамбльже, «Солнечные лучики» йоча ансамбль, Кристина Русиева, Лилия Матвеева, Ринат Хайдаров, Элина Матвеева шергылтареныт. Залыште шинчыше калык «Эрви» куштышо калык ансамбльым совым рўж кырен вашлийын. Тыгак Россий МВД-ын Калтаса районысо пєлкажын куштышо коллективын, «Фантазия» йоча куштышо коллективын, «Лидер» творческий группын выступленийышт калыклан келшен.

Унамытынат выступленийышт сылне лийын. Пайремым БР-ын сулло артистше Раян Алтыншин, БР-ын калык артистше Айбулат Рахматуллин, Нефтекамск оласеп филармонийын мурызыжо-влак Алина Вахитова ден Сурия Гимаева сєрастареныт.