Всероссийский декаде кузе эрта

Калмашысе почто пӧлкаште

– Мемнан подписчикна-влак ты декадым вученыт. Кеч район газетлан ак тунарак ӱлышемын огыл гынат, ялыште илыше калык сералтеш, – мутланымына годым каласыш почта пӧлка вуйлатыше Людмила Владимировна Афанасьева.

– Ты кечылаште почтальонка Николаева Роза Вадуковна пашам сай ыштен. Декадылан гына тудо 60 утла экземпляр район газетлан серыктен. А эше декаде пытыме марте кугарня ден шуматкече улыт. Ала ты кечылаштат икмыняр экземплярлан сералтыт.

Краснохолмскийысе почта пӧлка

– Почтальон-влак тыршат, – палемдыш почта пӧлка вуйлатыше Альбина Михайловна Байдуганова. – Чыла предприятийыш, учрежденийыш пуралт лектыныт. Пӧрт еда коштыт. Результат-влак улыт. Кызытеш чыла шотлен огынал.

Тӧлдысӧ почта пӧлка

Янсубаева Инна Евгеньевна: – Моткоч сай, декадым 20 октябрь марте шуеныт. Лу кече жапыште гына чыла пашам ышташ етшаш ок лий. Вет почтальон-влакын паша кечыштым кӱчыкемдыме. Арнялан кум кече гына пашам ыштат. Мемнан дене почтальонка Марина Иштуганова Савитован результатше сай. Тудо Тошто Оръямучаш, У Оръямучаш, Васильевка яллаште почтым шалата. Тудын паша стажшат кугу, уста пашаеҥ улеш. Еҥ-влак дене кутырен мошта. Сандене тудын результатшат сай.